पुणे | मार्केटयार्डातील गुळ-भूसार विभागातील व्यापाऱ्यांच्या प्रलंबित मागण्या व वाढत्या समस्यांकडे बाजार समितीचे तसेच राज्य शासनाचे लक्ष वेधण्यासाठी बुधवारी २५ फेब्रुवारी रोजी एक दिवसाचा लाक्षणिक संप दि पूना मर्चेंटस् चेंबरचे पुकारला होता. व्यापाऱ्यांच्या मागण्यांबाबत पणन संचालकांनी दि पूना मर्चेंटस् चेंबर व कृषी उत्पन्न बाजार समिती यांची एक संयुक्त बैठक गुरुवारी २६ फेब्रुवारी रोजी आयोजित केली आहे. त्यामुळे सदरचा बंद स्थगित करण्यात आला आहे.
मार्केटयार्डातील गुळ-भूसार विभागातील वाढत्या समस्यांमुळे व्यापाऱ्यांमध्ये तीव्र नाराजी आहे. सदर बैठकीमधून समाधानकारक मार्ग न निघाल्यास व्यापारी सभासदांची बैठक घेऊन पुढील निर्णय घेण्यात येईल, अशी माहिती दि पूना मर्चेंटस् चेंबरचे अध्यक्ष राजेंद्र बाठिया यांनी दिली.
